Photo of Byron Bay - one of Australia's best beaches!

Arsene Wenger Oo Dalbanaya Xiddiga Napoli Edinson Cavani Oo Uu U Arko Bedelka Robin Van Persie.

Posted By ilwareed on Sunday, November 11th 2012 09:54 EAT

Tababara Arsene Wenger ayaa diyaar u ah inuu bankiga u jabiyo oo 30 milyan ginni ku dalbado xiddiga weerarka uga ciyaara Napoli Edinson Cavani, iyadoo ninka reer France uu isku dayayo inuu badbaadiyo xilli ciyaareedka Arsenal. Sida ay qortay Mail on Sunday.

Wenger ayaa diyaar la u ah inuu talaabo qaado ka dib markii uu daawaday kooxdiisa oo 11 dhibcood ka hooseysa kooxda hogaanka u heysa horyaalka markii ay shalayto barbaro 3-3 la galeen kooxda Fulham.

Tababaraha Arsenal ayaa cadaadis uu kaga imaanayay taageerayaasha oo ku aadan inuu lacag geliyo kooxda oo sideed sanno ku dhawaad sugeysa koobkeedii ugu horeysay, waxaana uu go’aansaday inuu diirada koowaad ka dhigto soo xerogelinta 25 jirka reer Uruguay Vani sida ay sheegeyso The Mail.

 

Madaxa indhaindheynta suuqa kala iibsiga ee Arsenal Steve Rowley ayaa khamiistii hore u safray Italy si uu u soo daawado ciyaaryahanka, waxaana ay ku soo aaday xilli weeraryahanka uu afar gool ka dhaliyay kooxda reer Ukraine ee Dnipro.

Wenger ayaana u arka Edinson Cavani ninkii buuxin lahaa booskii uu baneeyay Robin van Persie oo xagaagii ku biiray kooxda Manchester United.

Waxaa la rumeysan yahay in Napoli aysan si fudud ku sii deyn doonin xiddigooda kaasoo bishii May heshiis cusub oo shan sanno ah u saxiixay, waxaana uu doonayaa inuu jabiyo rikoorka gooldhalinta Napoli ee uu haayo Diego Maradona.

Wixii talo iyo tusaale ah E-mail kan noogu soo dir : ilwareed@gmail.com

    Leave a Reply

    Your email address will not be published.

    Magacaada

    Emailkaada


    Fikradaada halkan ku qor

    ilwareed Tv